"Заң мен Тәртіп" идеологиясын ілгерілету жоспары аясында балабақшада «Гаджеттер мен балалар» тақырыбында танымдық іс-шара өткізілді. Іс-шара барысында балаларға гаджеттерді дұрыс пайдалану, интернеттегі қауіпсіздік ережелері, ата-ананың рұқсатынсыз бейтаныс адамдармен байланысқа түспеу туралы түсініктер берілді. Сондай-ақ «Дұрыс па, бұрыс па?» ойыны ұйымдастырылып, сурет салу жұмыстары жүргізілді. Ата-аналарға балалардың цифрлық ортадағы қауіпсіздігін қамтамасыз ету бойынша ұсынымдар таратылды.